Յիսուսեան միաբանութեան անդամ՝ Հայր Փիէթրօ Ֆավրը Սուրբերու շարքին

Ֆրանչիսկոս Սրբազան Քահանայապետը, երեքշաբթի 17 դեկտեմբեր 2013 ին ընդունելով Սուրբերու դատի ժողովի նախագահը Կարտինալ Անճէլօ Ամաթօն վաւերացուց շարք մշ հրամանգիրներ հայող երանացումի եւ սրբադասումի։
Անոնց շարքին Նորին Սրբութիւնը վաւերացուց Յիսուսեան միաբանութեան անդամ Երանելի Փիէթրօ Ֆավրի սրբադասումը։

Երանելի Փիէթրօ Ֆավրը ծնած է 6 Ապրիլ 1506-ին Սավոյայի Վիլլարէթ գաւառի աղքատ ընտանիքի յարկին տակ։
Փոքր հասակին ժամանած է Փարիզ եւ յաճախած է Սորպոնի համալսարանը։
Նոյն տարին 1534, 15 Օգոստոսին, Սուրբ պատարագ մատուց Փարիզի Մոնմարթր մատրան մէջ որուն ընթացքին Սուրբ Իգնատիոս Լոյոլայի առաջին եօթը դասընկերները իրենց ուխտերը կատարեցին։

Երանելի Փիէթրօ Ֆավրը շրջեցաւ Եւրոպայի զանազան երկիրները, աւետարանելով եւ քարոզելով Աստուծոյ Խօսքը։ Ան մասնակցեցաւ իրբեւ Աստուածաբան Թրէնթիոյի Տիեզերական ժողովին, ապա ժամանեց հռոմ՝ հիւանդ վիճակի մէջ եւ վախճանեցաւ 1 օգոստոս 1546 ին։
1872 ին Պիոս Թ Քահանյապետը, հռչակեց Հայր Փիէթրօ Ֆավրը Երանելիներուն շարքին։
Սուրբ Ֆրանչիսկոս Սալէսի վկայութեամբ, Երանելի Փիէթրօ Ֆավրը հանդիսացած է առաջին դասընկերը եւ քարոզիչը Յիսուսեան Միաբանութեան հիմանդրին` Սուրբ Իգնատիոս Լոյոլային։