Прэфект Папскага дома: выключана, што папа Францішак дазволіць дыяканат жанчын
На думку прэфекта
Папскага дома, арцыбіскупа Георга Генсвайна, “выключана", што папа Францішак дазволіць
дыяканат жанчын у Каталіцкім Касцёле. Асабісты сакратар Бэнэдыкта XVI выступіў з рэзкай
крытыкай “некаторых сіл”, якія жадаюць выкарыстаць новага Папу ў сваіх уласных інтарэсах.
“Але я не думаю, што Францішак схіліцца падчас свайго пантыфікату да некаторых нямецкіх
ініцыятыў”, - сказаў арцыбіскуп у гутарцы з нямецкім культурна-палітычным часопісам
“Cicero”. Ён лічыць, што многія, якія зараз прабываюць у захапленні ад Францішка,
могуць змяніць сваю пазіцыю, калі зразумеюць, што Папа не пойдзе на ўступкі.
Іерарх
пракаментаваў сітуацыю вакол Біскупа Лімбурга Франца-Пэтэра Тэбальц-ван Эльста, якога
абвінавацілі ў фінансавых злоўжываннях. На думку арцыбіскупа Генсвайна, крытыкі біскупа
ўскосна маюць іншыя мэты, чым яго тлумачэнне з фінансавых пытанняў. Лімбург павінен
заставацца “каталіцкай дыяцэзіяй”, заявіў ён і дадаў, калі атмасфера ў Лімбургу атручана,
трэба задацца пытаннем, адкуль паходзіць гэта атручанне. Акрамя таго, ватыканскі іерарх
адзначыў, што епіскапат не мае кампетэнцыі адправіць біскупа ў адстаўку і ўсе раней
выказаныя думкі ў гэтай справе, прыватнае меркаванне іерарахаў.
Арцыбіскуп
распавёў пра свае ўласныя задачы і прызнаўся, што яго супрацоўніцтва з папам Францішкам
ідзе гарманічна. Тым не менш, ён эмацыйна вельмі моцна прывязаны да Бэнэдыкта XVI.
Іерарх не не чакае, што стане пастырам нейкай дыяцэзіі ў Германіі.