18 снежня 2013 г.
“Бэтлеемскае святло міру” прыбыло ў Ватыкан. Яго даставілі пілігрымы з аўстрыйскага
Лінцу на чале з біскупам Людвігам Шварцам, якія прысутнічалі на агульнай аўдыенцыі.
Менавіта гэты горад з’яўляецца ініцыятарам міжнароднай ініцыятывы. “Вы прынеслі з
Бэтлеему “Святло міру”, - сказаў папа Францішак, вітаючы аўстрыйскіх пілігрымаў. “Гэты
моцны знак, які асвятляе нашу мэту быць святлом свету, няхай выпраменьвае давер і
надзею сапраўдных дзяцей Божых і прыносіць спакой Хрыста нашым сем’ям і нашым бліжнім”,
- пажадаў ён.
Сімвалічны зніч запалілі ў Гроце Божага Нараджэння ў Бэтлееме
26 лістапада. Святло ўжо адправілася ў падарожжа па парафіях і супольнасцях некалькіх
дзесяткаў краін Еўропы і Паўночнай Амерыкі. Яго прымуць таксама касцёльныя, грамадскія
і палітычныя лідэры. У Беларусь “Бэтлеемскае святло міру” прыбудзе ўжо праз некалькі
дзён – 20 снежня яго прыме Гродна, а 21 снежня – Мінск.