Агульныя аўдыенцыі з удзелам Францішка наведалі больш за 1,5 млн. асоб
Агульная аўдыенцыя
18 снежня 2013 г. была 30-й і апошняй у гэтым годзе для папы Францішка. На падставе
квіткоў, якія распаўсюдзіла за гэты час Прэфектура папскага дому, можна сцвердзіць,
што аўдыенцыі з удзелам Францішка ад 27 сакавіка 2013 г. наведалі больш за 1,5 млн.
асоб. Да гэтай лічбы неабходна дадаць вернікаў, якія спантанна прымалі ўдзел у іх,
знаходзячыся за межамі плошчы св. Пятра. Самай шматлікай стала агульная аўдыенцыя
29 мая, на якую сабралася 90 тыс. чалавек. У сярэднім на сустрэчы са Святым Айцом
кожную сераду збіралася каля 50 тыс. асоб.