Thirrje e Papës: në sofrën e festës, një vend bosh për të varfërit
Thirrje e Papës: në darkën e Krishtlindjes, lëreni një vend të lirë për të varfërit. Natën
e Krishtlindjes, kur të shtroheni në sofrën e begatë të festës, një vend lëreni për
të vetmuarit”. Ishte kjo thirrja, drejtuar pjesëmarrësve në audiencën e përgjithshme,
gjatë përshëndetjes në gjuhën polake. Ftesë e një Pape që dje, me rastin e 77- vjetorit
të ditëlindjes, u shtrua në sofër me katër të pastrehë. “Duke lënë një vend bosh në
tryezë të Natës së Krishtlindjes, të mendojmë për të varfërit, tha Papa, për të uriturit,
për të vemtuarit, për të pastrehët, për të përjashtuarit nga radhët e shoqërisë, për
viktimat e luftës e, posaçërisht, për fëmijët”.Na duket sikur rikujton traditat më
të mira të Kombit tonë shqiptar, Papa. Popullit, që e la gjithnjë një vend bosh në
sofër, për mikun e largët, të paftuar, që mund të arrinte në çastin e fundit, i lagur
e i ndragur nga koha e keqe në shtigje malesh. Ishte i pasur a i varfër, kjo nuk kishte
fare rëndësi, në një vend ku, dikur, çdo njeri peshonte njëlloj 400 derhem në kandar
të vet e pritej në çdo kohë, me bukë e kripë e zemër! “Bukë e kripë e zemër për
të varfërin e të vetmuarin, Natën e Madhe, pra!”.