''Բաւարար չէ միայն բարիք ընել, այլ հարկ է լաւ ընել այդ բարիքը''։
Շաբաթ,
14 դեկտեմբեր, կէսօրին ֆրանչիսկոս Սրբազան Քահանայապետը այցելեց Վատիկանի մանկադարմանատունը
որ վերապահուած է ամէն ազգի ու ամէն կրօնի պատկան աղքատ գաղթական մանուկներուն։ Վատիկանի
այս մանկադարմանատունը հիմնուած է 1922-ին, Պիոս ԺԱ Քահանայապետի օրով եւ ամերիկացի Տուլա
Տրաչէք անունով տիկինի մը օժանդակութեմաբ։ Մանկադարմանատունը յանձնուած է եղբայրօգնութեան
դուստրերու միաբանութեան խնամատարութեան, որուն հիմնադիրը եղած է սուրբ Վէնսան տը Փոլ
(1581-1660)։ Այս միաբանութիւնը Վատիկան կանչուած էր 1884-ին, խնամելու ժանտախտի հիւանդները։Ապա
Սրբուհի Մարթայի դարմանատունը վերածուեցաւ ուխտաւորներու ու թաղամասի աղքատներու բուժարան։
Ներկայիս Վատիկանի մանկադարամանատունը օգնութեան կը հասնի 270 ընտանիքներու։ 2012-ին
այս կառոյցը խնամած է 3,500 մանուկներ, եկած համայն աշխարհէն։ Սանթա Մարթայի դարմանատան
մէջ կը գործեն 22 կամաւոր բժիշկներ եւ այլ 25 կամաւորներ։ Լռելեան աշխատանք մը որուն
կէտնպատակն է, ինչպէս կ՛ըսէր Սուրբ Վէնսան տը Փոլը` ''բաւարար չէ միայն բարիք ընել, այլ
հարկ է լաւ ընել այդ բարիքը''։