Մեսրոպեան Վարժարանի 75-ամեակի «Ֆլեշմոպ». «Սասնայ Պար»-ի իւրայատուկ ոճով ներկայացում`
օտար հանրութեան
Հայ Կաթողիկէ Մեսրոպեան բարձրագոյն վարժարանի 75-ամեակին առիթով, երէկ` ուրբաթ, 13 դեկտեմբեր
2013-ին, երեկոյեան ժամը 8:00-ին, «Սիթի Մոլ»-ի մէջ տեղի ունեցաւ իւրայատուկ «Ֆլեշմոպ»
մը, որուն իրենց մասնակցութիւնը բերին հին ու նոր 75 մեսրոպեանականներ: Իր բնոյթին
մէջ եզակի նախաձեռնութիւնը հանրային կեդրոնին մէջ տօնական օրերու սեմին ստեղծեց մեծ խանդավառութիւն
եւ ուրախութիւն: Մեսրոպեանականները ներկայացուցին հայրենի երգչուհի Սիլվա Յակոբեանին
«Սասնայ պար»-ը: Կարճ տեւողութեան ընթացքին, կարմիր, կապոյտ եւ նարնջագոյն գլխարկներ
հագած նախկին եւ ներկայ մեսրոպեանականները ստեղծեցին հայաշունչ մթնոլորտ, օտարներուն
ծանօթացուցին հայկական պարարուեստը եւ պարով նշեցին վարժարանին 75-ամեակը: «Ֆլեշմոպ»-ի
պարուսոյցն էր Սարին Արթինեան-Տեմիրճեան: Յայտնենք, որ մեսրոպեանականներու շարքին
էին տարբեր սերունդներու ներկայացուցիչներ` նախակրթարանէն, միջնակարգէն եւ երկրորդականէն
աշակերտներ, ինչպէս նաեւ շրջանաւարտներ: