ՄԱԿ Սուրիոյ մէջ Քիմիական զէնքի օգտագործման փաստերու գոյութիւնը կը յայտարարէ
ՄԱԿ-ը յայտարարեց, որ քիմիական զէնքերու գործածութեան հետաքննիչները Սուրիոյ մէջ իրենց
այցելած 7 վայրերէն 5-ին մէջ քիմիական զէնքի հաւանական օգտագործման փաստեր գտած են: Սուրիոյ
մէջ քիմիական զէնքերու գործածութեան հետաքննիչ յանձնախումբի ղեկավար Աքէ Սելսթրոմի` ՄԱԿ-ի
ընդհանուր քարտուղար Պան Քի Մունին յանձնած վերջնական զեկուցումին մէջ նշուած է, որ հետաքննիչները
չեն յաջողած քիմիական զէնքերու յարձակումներու վայրերուն եւ զոհերուն միջեւ կապ մը հաստատել`
աւելցնելով, որ «մասնագէտները չկրցան քիմիական զէնքերով յարձակումներուն մասին ամբողջական
տեղեկութիւններ հաւաքել»: