Пакора св. Францішка
Асізскага была тэмай другога адвэнтавага казання прапаведніка Папскага дома, айца
Раньера Канталамесы. У капліцы “Redemptoris Mater” у Апосталькім палацы 13 снежня
2013 г. прысутнічаў папа Францішак. Крыніцай пакоры Бедняка з Асізі былі праўда перад
Богам і прыклад Хрыста, падкрэсліў капуцын. Свет вяртаецца да св. Францішка таму,
што бачыць у ім каштоўнасці, да якіх кожны імкнецца: свабоду, мір з самім сабой і
стварэннем, братэрства і радасць. Корань гэтага усяго – пакора, адзначыў айцец Канталамеса.
Пакуль чалавек вымяраецца сабой, іншымі або супольнасцю, ён ніколі не пазнае
сваёй сапраўднай вартасці, адзначыў ён і дадаў, што Францішак Асізскі прапануе чалавеку
стаць перад Богам, і нічога больш. Быць пакорным, “гэта паглядзець на сябе перад Богам”.
Стыль
пакоры, які прапанаваў Езус можна, паводле прапаведніка Папскага дома, падсумаваць
адным словам: “служэнне”. “Калі Бог – гэта пакора, то і Касцёл павінен таксама быць
пакорай, калі Хрыстус служыў, Касцёл таксама павінен служыць дзеля любові”, - сказаў
айцец Канталамеса.