«Հայաստան» Համահայկական Հիմնադրամի անակնկալը Պաւրայի դպրոցականներուն։
«Հայաստան» Համահայկական Հիմնադրամը ամանորեայ անակնկալ մատուցած է Շիրակի մարզի Պաւրա գիւղի դպրոցականներուն: Արժանթինի տեղական մարմինի հովանաւորութեամբ` ի դէմս բարերար Նշան Տէւէճեանի, դպրոցը հիմնովին կահաւորուած է եւ համալրուած համակարգիչներով:
Հանդէս գալով ուսուցիչներու եւ աշակերտներու անունով` դպրոցի տնօրէն Արմէն Վարդանեանը շնորհաւորած է ներկաներու գալիք Ամանորը եւ յայտնած. «Անչափ շնորհակալ ենք նուէրի համար: Խոստանում ենք, որ մեր բարերարների յաջորդ այցին իրենց կը զարմացնենք մեր առաջադիմութեամբ եւ գիտելիքներով»: Հիմնադրամի ներկայացուցիչները, իրենց հերթին, խոստացած են դպրոցի 74 աշակերտի անունով գրուած շնորհակալական նամակը եւ գեղեցիկ ձեռագործ աշխատանքը փոխանցել բարերարին:
Նշենք, որ բարերար Նշան Տէւէճեանը ֆինանսաւորած է նաեւ շուրջ 650 բնակիչ ունեցող գիւղի բազմակողմանի համայնքային կեդրոնի կառուցումը: Արդէն գարնան գիւղը պիտի ունենայ բարեկարգ վարչական կեդրոն, բուժկէտ, գրադարան, հանդիսութիւններու սրահ եւ համակարգչային սենեակ:
| All the contents on this site are copyrighted ©. |