Շաբաթ 7 Դեկտեմբեր 2013-ին, Զմմառու Մայրավանքին մէջ նշուեցաւ Միաբանութեան երիցագոյն
անդամներէն՝ Արհի. Մանուէլ Եպս. Պաթագեանի և Գերյ. Անդրանիկ Ծ. Վրդ. Կռանեանի քահանայական
ձեռնադրութեան 59-րդ ամեակը: Վանքիս վարչութիւնն ու միաբան հայրեր եղբայրական ջերմ մթնոլորտի
մէջ իրենց յարգանքն ու սէրը յայտնեցին վաստակաշատ միաբաններուն: Անմոռանալի և յիշատակալից
պահեր էին, որու ընթացքին երախտագիտական զգացումներով լի բաժակաճառեր արտասանուեցան և
«Դու Ես Քահանայ Յաւիտեան» և «Ողջոյն Քեզ Անարատ Յղացեալ» շարականները երգուեցան ի պատիւ
տօնակատար հայրերուն: