Այսօր Սպիտակի երկրաշարժի 25-ամեայ տարելիցն է. մարդիկ դեռ 25 տարուան մետաղեայ տնակներու
մէջ կ’ապրին
1988 թուականի Դեկտեմբեր 7-ի Սպիտակի աղէտալի երկրաշարժէն 25 տարի անցած է, սակայն Հայաստանի
մէջմ դեռ կան երկրաշարժէն տուժած ընտանիքներ, որոնք կը շարունակեն ապրիլ մետաղեայ ժամանակաւոր
տնակներու մէջ: Իսկ որոշ բնակավայրերու մէջ, ինչպէս Գիւմրիի, դեռ կան երկրաշարժի հետեւանքով
աւերուած շինութիւններ, որոնք տակաւին չեն նորոգուած: Այս մասին կը հաղորդէ Tert.am-ը:
Յիշեցնենք,
որ 1988-ի երկրաշարժն ընդգրկեց հանրապետութեան հիւսիսային եւ հիւսիսարեւելեան շրջանները`
անոր տարածքին մօտ 40%-ը: Հաշուած վայրկեաններու ընթացքին լրիւ կամ մասնակի աւերուեցան
Սպիտակ, Լենինական, Կիրովական, Ստեփանաւան քաղաքները, Սպիտակի, Ախուրեանի, Գուգարքի,
Արագածի, Կալինինոյի, Ստեփանաւանի շրջաններու հարիւրէ աւելի գիւղեր ու բնակավայրեր: Զոհուեցաւ
25 հազարէն աւելի մարդ, 500 հազարը մնաց անօթեւան: Շարքէ դուրս եկաւ բնակելի տարածքին
17%-ը, շուրջ 8 միլիոն քառ. մ բնակելի տարածութիւն:Գործելէ դադրեցան 170 արդիւնաբերական
ձեռնարկութիւններ, շուրջ 1200 անասնապահական շինութիւններ աւերուեցան: Հայաստանի տնտեսութեան
հասցուած վնասը կազմեց 13 միլիառ ռուբլի:
ի՞նչ փոխուած է ողբերգութենէն 25 տարի
անց: Անօթեւան մնացած ընտանիքներէն քանի՞ հատը փոխհատուցում ստացաւ, քանի՞ հատը` ոչ:
Գիւմրիի
աւագանիի անդամ, Լրագրողներու «Ասպարէզ» ակումբի խորհուրդի նախագահ Լեւոն Բարսեղեանի
խօսքերով` այսօր Կառավարութիւնը 4000-էն աւելի անօթեւան ընտանիքներէն անօթեւան կը ճանչնայ
մօտաւորապէս 1200-ը, միւսներուն մասին կ’ըսեն, թէ մենք անոնց առաջ պարտաւորութիւն չունինք:
«Բայց
այդ մարդիկ 25 տարուան մետաղեայ տնակներու մէջ կ’ապրին, կը հիւանդանան, կ’արտագաղթեն:
Քաղաքի բնակչութեան շուրջ 18 տոկոսը կ’ապրի այդ տնակներուն մէջ 25 տարիէ իվեր: Մենք վաղը
պիտի նշենք ամօթի օրը»,- երէկ Tert.am–ին ըսած է Լեւոն Բարսեղեան:
«Շիրակ» կեդրոնի
ղեկավար Վահան Թումասեան ըսած է, որ Գիւմրիի մէջ երկու կարգավիճակի անօթեւաններ կան.
անոնք, որոնք պետութենէն փոխհատուցման ենթակայ են, եւ անոնք, որոնք ենթակայ չեն:
Ըստ
անոր, կառավարութեան որոշումին համաձայն` բնակարանային փոխհատուցման ենթակայ են այն ընտանիքները,
որոնք մինչեւ 2008 թուականի Նոյեմբեր 1-ը հաշուառուած են հերթացուցակներու մէջ:
«Այս
պահի դրութեամբ անօթեւանների հերթացուցակում հաշուառուած են 4270 ընտանիք: Անօթեւանների
հերթացուցակում 3200 անօթեւան ընտանիք կայ, որոնք փոխհատուցման ենթակայ են: Մնացած մօտ
1100 ընտանիքի խնդիրը բաց է մնում: Կառավարութեան խոստումների համաձայն նրանցից 430 պէտք
է յաջորդ բնակարան ստանան»,- տեղեկացուցած է «Շիրակ» կեդրոնի ղեկավարը:
1988թ-ի
երկրաշարժէն ետք երբեմնի խոշոր արդիւնաբերական քաղաք համարուող Սպիտակի համար հիմնական
խնդիրը 25 տարի անց աշխատատեղերն են, որոնք դեռ «կամաց-կամաց կը փորձեն լուծել»: Սպիտակի
քաղաքապետ Գագիկ Սահակեանը թուարկեց, թէ ինչ գործարաններ կային երկրաշարժէն ետք եւ այսօր
ինչով կը զբաղին սպիտակցիները:
«Եթէ թուարկեմ նախկինում ինչ գործարաններ կային,
շուրջ կէս ժամ կ’տեւի` ունէինք վերելակաշինութեան գործարան, շաքարի գործարան, ալրաղացի
կոմբինատ, թռչնաբուծական ֆաբրիկա (գործարան), ռետինատեխնիկական իրերի գործարան, կօշիկի
ֆաբրիկա, թեթեւ արդիւնաբերութեան` կարի ֆաբրիկաների մեծ ցանց ունէինք եւ սպասարկուող
ոլորտում ամէն ինչ, շինարարական մի քանի կազմակերպութիւն, այսօր, ցաւօք, աշխատեղերի մի
քիչ բաց ունենք, որը փորձում ենք կամաց-կամաց լրացնել»,-ըսած է ան` աւելցնելով, որ ներկայիս
արդէն կը կառուցուի հզօր թռչնաբուծական գործարան:
«800 000 հատ հաւի համար` մեր
գործարար պատգամաւոր Արկադի Համբարձումեանի միջոցներով: Վերելակաշինութեան նախագիծ կայ,
այնպէս որ, փորձում ենք այդ խնդիրը կամաց-կամաց լուծել»,-ըսած է ան, իսկ հարցումին, թէ
մինչեւ այդ գործարանները ինչ կար` քաղաքապետը դժուարացաւ պատասխանել. «Բաւական շատ ենթակառուցուածքներում
են փոփոխութիւններ ունեցել, բոլորը թուարկել դժուարանում եմ»:
Քաղաքապետը անցաւ
բնակարանաշինութեան խնդրին` պնդելով, որ վերջին 3-4 տարիներու ընթացքին 220 բնակարան
կառուցուածէ եւ նուիրուած սպիտակցիներուն, դեռ 100-ն ալ կը ծրագրուի կառուցուել արդէն
2014թ-ին:
«Բնակարանաշինութիւնը, կարելի է ասել, արդէն աւարտին է հասցուել, պետական
բնակարան կորցրածներից բոլորին բաւարարել են, բացի մէկ սենեականոց բնակարան կորցրած ընտանիքներից,
որոնց համար էլ այդ 100 բնակարանը պէտք է կառուցուի»,- ըսած է ան:
Ինչ կը վերաբերի
սեփական տուներուն, ապա այստեղ դեռ բաւական թիւով ընտանիքներ երկրաշարժէն ետք կը շարունակեն
անօթեւան մնալ: «Սեփական տների համար երկրաշարժից յետոյ պետութիւնը փոխհատուցում տուել
է մարդկանց, բայց ինչ-ինչ պատճառներով որոշ մարդիկ դա չեն օգտագործել նպատակի համար:
Հիմա մեր հանրապետութեան նախագահը խոստացել է անդրադառնալ այդ հարցին` պետական բնակարան
կորցրած մարդկանց խնդիրների լուծումից յետոյ»,- նշած է ան:
Գագիկ Սահակեան նշած
է, որ այսօր քաղաքին մէջ աւերակ շէնքեր չկան: «Բնակֆոնդը եւ՛ քաղաքի, եւ՛ նաեւ արտադրական
բոլոր մակերեսները, այդ թւում նաեւ մշակոյթի տուն, դպրոցներ, ամբողջութեամբ աւերուել
էին, 100%-ով, հիմա բոլորը վերականգնուել են ու գործում են շատ նորմալ (բնականոն), այդ
ոլորտում խնդիրներ չունենք»,- ըսած է ան:
Թէ որքանո՞վ քաղաքի բնակչութեան թիւը
կրճատուած է 25 տարիներու ընթացքին, քաղաքապետը նշած է, որ երկրաշարժէն առաջ Սպիտակը
ունեցած է մօտ 20 000 բնակիչ, այսօր արդէն անոնց թիւը 16 400 է: «Երկրաշարժից Սպիտակում
զոհուել է 4003 մարդ»,-նշած է Գագիկ Սահակեան: