З’явілася тэндэнцыя да аднаўлення дыялогу паміж Святым Пасадам і Аль-Азхар
Праз тры гады пасля
спынення рэгулярных сустрэч паміж Святым Пасадам і ўніверсітэтам Аль-Азхар, расце
надзея на іх хуткае аднаўленне. 2 снежня 2013 г. адбылося спатканне сакратара Папскай
рады па міжрэлігійным дыялогу, кс. Мігеля Анхеля Аюса Гіксота з намеснікам кіраўніка
галоўнай навучальнай установы суніцкага ісламу ў арабскім свеце. Святар перадаў пасланне
старшыні Папскай рады, кардынала Жана-Луі Тарана. Кс. Фэдэрыка Ламбардзі, кіраўнік
Залы Друку Святога Пасаду, ахарактарызаваў 45-хвілінную сустрэчу як “пазітыўную і
канструктыўную”, што дае станоўчыя перспектывы на будучыню і надзею на аднаўленне
адносін.
Дыялог быў прыпынена па ініцыятыве ўніверсітэта Аль-Азхар у 2011 г.
Святы Пасад пасля гэтага неаднаразова выказваў гатоўнасць да яго аднаўлення. Пасля
абрання Францішка з’явіліся першыя прыкметы гэтага. Вярхоўны імам Аль-Азхар Ахмед
аль-Таіб павіншаваў Пантыфіка і заявіў пра “поўнае супрацоўніцтва і любоў” у мэтах
абароны агульных каштоўнасцяў і спынення распаўсюджвання “культуры нянавісці і няроўнасці”.