Vatikan-Britani e Madhe: Botime të rralla të Biblës mund të shihen online
Biblioteka e Vatikanit vuri online disa botime të veçanta dhe disa dorëshkrime të
Biblës. Projekti i internetit u realizua në bashkëpunim me Librarinë Bodleiane të
Universitetit të Oksfordit. Në tre vitet e ardhshme më se 1,5 milionë faqe nga ky
fond tejet i vyer do të mund të shihen nëpërmjet internetit. Projekti është i ndarë
në tri pjesë: dorëshkrime greke; dorëshkrime hebraike dhe incunabula, domethënë libra
të shtypur që nga shekulli XV. Faqja hapet me një kopje të Biblës së Gutenbergut dhe
me një përmbledhje të disa botimeve të veçanta të Biblës. Adresa e internetit është:
http://bav.bodleian.ox.ac.uk.