Папа: хрысціянскі спакой – гэта не нешта статычнае, ціхае і памяркоўнае
Касцёл павінен быць
радасным, як Езус, лічыць папа Францішак. Менавіта радасць Пана ён пакліканы перадаваць
людзям, радасць, якая нясе сапраўдны спакой. Гэтым двум рэчаіснасцям – радасці і спакою
– прысвяціў сваю гамілію падчас ранішняй св. Імшы 3 снежня 2013 г. Пантыфік. Ён звярнуў
увагу, што мы прызвычаіліся ўяўляць Хрыста прапаведуючым, навучаючым, аздараўляючым,
але забыліся, што Езус усміхаўся, быў радасным. У Яго была “унутраная радасць”, Ён
радаваўся ў Святым Духу. Менавіта такая радасць, па словах Папы, з’яўляецца сапраўдным
спакоем, бо спакой – гэта не нешта статычнае, ціхае, памяркоўнае, ён з’яўляецца радасным.
“Наш Бог з’яўляецца радасным”, - падкрэсліў Святы Айцец і дадаў, што Ён жадае, каб
Касцёл быў таксама такім. Нават у пытаннях сур’ёзных, такіх як, напрыклад, евангелізацыя,
Касцёл не павінен адчуваць недахопу ў радасці, лічыць Пантыфік.