“Pse na ka krijuar Zoti, nëse ka Zot?” Kjo është një ndër dhjetë pyetjet drejtuar
Papës, që botoi gazeta e Vatikanit Osservatore Romano. Gazeta u kishte kërkuar grave
nga gjithë bota që të formulonin pyetje të ndryshme për Françeskun. Ndër ato që kanë
dërguar pyetje ka edhe jo të krishterë e jobesimtarë. Një 24-vjeçare nga Estonia e
pyet Papën: “A jeni i gatshëm të merrni përgjegjësi për të gjithë fëmijët që do të
lindnin, nëse, papritur, nuk do të kishte më as pilulë, as kondom?" Një japoneze dëshiron
të dijë çfarë “fiton” njeriu nëse beson në Zotin, ndërsa një grua nga SHBA pyet: “Nëse
të gjitha shtetet e botës, përveç një shteti të vetëm, do ta miratonin martesën ndërmjet
personave të së njëjtës gjini, ky shtet, që përbën një përjashtim, a do të përfaqësonte
gjithnjë rregullën për Ju?”