2 снежня 2013 г. у
Ватыкане Святы Айцец прыняў на аўдыенцыі Біньяміна Нетаньяху, прэм’ер-міністра Дзяржавы
Ізраіль. Палітык сустрэўся таксама з Дзяржсакратаром Яго Святасці Папы арцыбіскупам
Пьетра Паралінам. Падчас размоў увага была засяроджана на складанай палітычнай і сацыяльнай
сітуацыі на Блізкім Усходзе, з асаблівым акцэнтам на аднаўленне перамоў паміж ізраільцянамі
і палестынцамі. Была выказана надзея, што справядлівае і трывалае ўрэгуляванне канфлікту
будзе дасягнута як мага хутчэй. Гаворка ішла таксама пра планы папы Францішка наведаць
Святую Зямлю. Былі абмеркаваны розныя пытанні, якія тычацца адносін паміж органамі
дзяржаўнай улады і мясцовымі каталіцкімі супольнасцямі, а таксама паміж Дзяржавай
Ізраіль і Святым Пасадам, і выказана надзея, што пагадненне, якое рыхтуецца на працягу
некаторага перыяду, можа быць падпісана ў хуткім часе.