«Թելեթոն 2013»-ին հաւաքուեցաւ 22,661,372 Տոլար

Երէկ «Հայաստան» համահայկական հիմնադրամի գործադիր վարչութիւնը հրապարակեց մամլոյ հաղորդագրութիւն մը, որուն մէջ նշեց, որ «Թելեթոն 2013»-ը հաւաքած է 22,661,372 տոլար, որ պիտի նպատակաուղղուի Հայաստանի եւ Արցախի շարք մը ծրագիրներու իրագործման եւ գլխաւորաբար հիմնադրամի հոգաբարձուներու խորհուրդին կողմէ տարուան ռազմավարական ծրագիր ճանչցուած շուրջ 116 քմ երկարութեամբ Վարդենիս-Մարտակերտ մայրուղիի կառուցման:
Ստորեւ` հանգանակութիւններուն նախնական պատկերը` ըստ երկիրներու.
Ռուսիա` 12,350,000 տոլար, Միացեալ Նահանգներ Արեւմտեան շրջան (Լոս Անճելըս)` 2,000,000 տոլար, Ֆրանսա, Գերմանիա, Զուիցերիա, Հոլանտա, Յունաստան, Պելճիքա (Համաեւրոպական ֆոնեթոն)` 1,984,000 տոլար, Հայաստան` 1,648,372 տոլար, Զուիցերիա (անհատ-բարերար)` 1,200,000 տոլար, Արցախ` 1,000,000 տոլար, Միացեալ Նահանգներու Արեւելեան շրջան (Նիւ Եորք)` 1,000,000 տոլար, Արժանթին` 700,000 տոլար, Թորոնթօ` 225,000 տոլար, Պրազիլ` 170,000 տոլար, Մոնրէալ` 120,000 տոլար, Բրիտանիա` 100,000 տոլար, Լիբանան` 94,000 տոլար, Իրան` 60,000 տոլար, Աւստրիա` 10,000 տոլար: