Новы Біскуп Віцебскі пачне з вырашэння персанальных пытанняў
“Для мяне гэта ў пэўным
значэнні шок”, прызнаўся біскуп-намінант Алег Буткевіч, каментуючы сваё прызначэнне
на пастыра Віцебскай дыяцэзіі, але, не гледзячы на гэта, ён ужо ясна сфармулаваў для
сябе першы “план дзеянняў”. “Трэба будзе вырашыць арганізацыйныя пытанні, звязаныя
з дзейнасцю дыяцэзіяльнай курыі, яе структурай. Вядома, што асноўная праца будзе тычыцца
персанальных пытанняў”, - сказаў ён у інтэрв’ю Беларускай рэдакцыі Ватыканскага радыё.
Трэба
нагадаць, што 25 лютага 2013 г. папа Бэнэдыкт XVI прыняў прашэнне біскупа Уладзіслава
Бліна аб адстаўцы з выканання паслугі пастырскага кіравання Віцебскай дыяцэзіяй. Да
сённяшняга дня яе караўніцтва ажыццяўляў Апостальскі адміністратар, кс. Францішак
Кісель.