Патрыярх Маскоўскі за супрацоўніцтва з католікамі ў адстойванні сямейных каштоўнасцяў
26 лістапада 2013
г. у Маскве Патрыярх Маскоўскі і ўсяе Русі Кірыл прыняў старшыню Папскай рады па справах
сям’і арцыбіскупа Вінчэнца Палью. Каталіцкі іерарх прымае ўдзел у міжнароднай канферэнцыі
“Сучасная біблістыкі і Традыцыя Касцёла”. Патрыярх высока ацаніў пазіцыю Святога Пасаду
па пытанні мірнага ўрэгулявання ўзброенага канфлікту ў Сірыі, гаворыцца на сайце Маскоўскага
Патрыярхату. Ён таксама адзначыў як адзін з найважнейшых кірункаў супрацоўніцтва з
Каталіцкім Касцёлам абарону традыцыйна разуметай сям’і. Пазіцыі двух Цэркваў па дадзеным
пытанні з’яўляюцца вельмі блізкімі, і гэта дае магчымасць праваслаўным і католікам
сумесна адстойваць традыцыйныя сямейныя каштоўнасці ў секулярным еўрапейскім грамадстве.
Са
свайго боку арцыбіскуп Палья паведаміў, што папа Францішак лічыць тэму сям’і адной
з самых прыярытэтных і таму склікаў на восень 2014 г. надзвычайнага Сінода Біскупаў,
прысвечаны гытаму пытанню. Іерарх выказаў глыбокае перакананне, што ў гэтай сферы
Цэрквы павінны цесна супрацоўнічаць.
На заканчэнне сустрэчы суразмоўцы яшчэ
раз пацвердзілі, што найбольш прыярытэтнымі напрамкамі праваслаўна-каталіцкага ўзаемадзеяння
сёння з’яўляюцца абарона хрысціян ад пераследу і дыскрымінацыі, а таксама адстойванне
сямейных і іншых традыцыйных каштоўнасцяў у грамадстве.