Святы Айцец падзякаваў арганізатарам падзей у рамках Года веры
24 лістапада 2013
г. перад малітвай “Анёл Панскі”, Папа падзякаваў арганізатарам шматлікіх мерапрыемстваў,
якія адбыліся ў рамках Года веры: у першую чаргу арцыбіскупу Рына Фізікелле, старшыні
Папскай рады па новай евангелізацыі і яго бліжэйшым супрацоўнікам. Год веры, быў урачыста
адкрыты Бэнэдыктам XVI 11 кастрычніка 2012 г.. У гэты дзень адзначалася таксама 50-годдзе
адкрыцця ІІ Ватыканскага Сабору. Каб узгадаць гэту падзею на плошчы св. Пятра адбылася
факельнае шэсце, напрыканцы якога Бэнэдыкт XVI удзяліў сабраным сваё благаслаўленне
з вакна Апостальскага палацу, як гэта зрабіў ініцыятар правядзення Сабору Ян ХХІІІ.
21
кастрычніка 2012 г., у рамках Года веры, Бэнэдыкт XVI узнёс да хвалы алтароў некаторых
мучанікаў і вызнаўцаў веры з розных краін свету. 28 снежня Пантыфік сустрэўся з моладзю,
якая прыбыла ў Рым з нагоды “Пілігрымкі даверу па зямлі”, арганізаванай супольнасцю
“Taize”.
Іншыя мерапрыемства з нагоды Года веры узначаліў папа Францішак, абраны
Біскупам Рыма 13 сакавіка 2013 г. Новы Пантыфік сустрэўся з моладзю ў Пальмовую нядзелю,
удзяліў сакрамэнт канфірмацыі 50-ці маладым вернікам з розных краін свету, у тым ліку
з Беларусі. З удзелам Францішка прайшлі Дзень свецкіх рухаў, новых супольнасцяў, асацыяцый
і аб’яднанняў, Дзень “Evangelium vitae”, Дзень семінарыстаў і навіцыяў, Дзень катэхетаў,
Марыйны дзень, Дзень сем’яў, Дзень кансэкраванага жыцця, Сустрэча з катэхуменамі і
некаторыя іншыя мерапрыемствы арганізаваныя Папскай радай па новай евангелізацыі.