Святы Айцец: клопат пра пажылых людзей, можа стаць “багатым досведам”
Сёння Касцёл як ніколі
павінен сведчыць аб каштоўнасці пажылых людзей, - перакананы папа Францішак. З такім
заклікам ён звярнуўся да ўдзельнікаў штогадовай канферэнцыі Папскай рады пастырства
работнікаў сферы аховы здароўя, якая 21-23 лістапада 2013 г. праходзіць у Ватыкане
на тэму барацьбы з нейрадэгенератыўнымі захворваннямі ў пажылым узросце і душпастырскай
апекі людзей з такім дыягназам. У мерапрыемстве прымаюць удзел каля 700 экспертаў
з розных краін свету. Пантыфік сустрэўся з імі ў ватыканскай базыліцы св. Пятра. Святы
Айцец адзначыў, што павелічэнне людзей з нейрадэгенератыўнымі захворваннямі, якія
часта суправаджаюцца пагаршэннем кагнітыўных здольнасцяў, павінна стымуліраваць новыя
даследванні ў медыцынскай сферы, а таксама спрыяць большаму клопату з боку установаў
і ў першую чаргу сем’яў, якія застаюцца прывелеяваным месцам адкрытасці і блізкасці.
Гэты клопат павінен ажыцяўляцца ў атмасферы даверу і павагі. Такім чынам, гэта дзейнасць
можа стаць багатым досведам, як з прафесійнага так і чалавечага пункту гледжання.
Акрамя таго, на думку Святога Айца, у дапамозе пажылым людзям павінна надавацца
значнае месца душпастырскаму клопату аб рэлігійных і духоўных патрэбах. “Гэтыя вымярэнні
застаюцца жыццятворнымі нават калі кагнітыўныя здольнасці людзей абмежаваны ці згублены”,
- сказаў Папа і адзначыў, што гэта важна, “каб іх розум і сэрца не перарывалі дыялог
і адносіны з Богам”.
Звяртаючыся да пажылых людзей Францішак нагадаў, што яны
не з’яўляюцца толькі адрасатамі абвяшчэння евангельскага паслання, але павінны штодзённа
быць сведкамі Пана ў сям’ях, парафіях і асяродках, якія наведваюць, знаёмячы з Хрыстом
і Яго Евангеллем, асабліва самых маладых.