Святы Айцец: “салідарнасць” стала амаль непрыстойным словам сярод фінансістаў
Святы Айцец скіраваў
відэа-пасланне ўдзельнікам 3-га Фестывалю сацыяльнага вучэння Касцёла, які праходзіць
у гэтыя дні ў італьянскай Вероне. Пантыфік адзначыў, што знакавай з’яўляецца тэма
форуму: “Менш няроўнасці, больш адрозненняў”. На яго думку, сёння свет патрабуе багацця
асабістых талентаў. Папа выкарыстаў вобразы сферы і шматгранніка. Першая нагадвае
глабалізацыю – гладкую, без граняў, роўную ва ўсіх частках. Але Пантыфіку больш адпавядае
шматграннік, бо нагадвае чалавецтва, якое складаецца з мноства элементаў не падобных
на сябе ў адзіную чалавечую сям’ю. Адрозненні, падкрэсліў Папа, не могуць быць дэструктыўнымі,
і прывёў прыклад канфлікту маладога і старэйшага пакаленняў, калі моладзь адчужае
пажылых людзей і не лічыцца з імі.
На думку Святога Айца, сацыяльнае навучанне
Касцёла з’яўляецца “выдатным арыенцірам” для тых, хто працуе ў эканоміцы і фінансах;
яно “заключае ў сабе масу ідэй” для рэалізацыі свабоды чалавека. Францішак лічыць,
што ўжыванне сацыяльнай дактрыны ўтрымлівае містычны сэнс, паколькі яна здольная прыносіць
“вялікую выгаду” праз клопат аб беспрацоўных і барацьбу з сацыяльнай несправядлівасцю,
не скажаючы сучасных эканамічных падыходаў.
“Салідарнасць” – гэта ключавое
слова ў сацыяльнай дактрыне. Але многія хочуць выдаліць яго са слоўніка, таму што
гэта нязручнае слова. Для эканомікі і рынку “салідарнасць”, стала амаль непрыстойным
словам, заўважыў Папа. Ён падкрэсліў, што, менавіта салідарнасць грае важную ролю
для забеспячэння чалавека працай, а “праца і годнасць ідуць рука аб руку”.
Святы
Айцец пажадаў удзельнікам форуму новых падыходаў да рэалізацыі сацыяльнага навучання
Касцёла, якія б асноўваліся на тым, што ўжо было асягнута.