Папа да філіпінцаў: не пытацца: “чаму?”, але проста ўгледзецца ў вочы Бога
Папа Францішак выказаў
сваю блізкасць да народа Філіпін. 21 лістапада 2013 г. падчас сустрэчы ў Ватыкане
з філіпінскімі вернікамі Святы Айцец прызнаўся, што яго моцна кранула трагедыя, якую
прынеслі на паўднёва-усходнія астравы стыхійныя бедствы. Ён пажадаў перажыць гэтыя
выпрабаванні з салідарнасцю. Пантыфік падкрэсліў, што ў такія моманты больш, чым шукаць
адказу на пытанне: “чаму здараюцца такія рэчы?”, мы павінны ўгледзецца у вочы Бога,
бо менавіта там знойдзем бяспеку. У гэтыя моманты болю сілай з’яўляецца малітва, падкрэсліў
Папа, але без патрабавання тлумачэнняў, проста з адчуваннем, што наш Айцец побач з
намі. Францішак паабяцаў філіпінскаму народу сваю малітву.