Imzot Pietro Parolin arriti sot në Vatikan. Të hënën e ardhshme do të nisë veprimtarinë
e zakonshme, si sekretar i Shtetit të Papës, në zyrën e tij pranë Pallatit Apostolik.
Njoftimi është i drejtorit të Sallës së shtypit të Vatikanit, atë Federiko Lombardi,
i cili sqaroi edhe se imzot Parolin e falënderon Papën, që e emëroi si dhe të gjithë
ata, që i qëndruan pranë. Nuk parashikohen ngjarje të veçanta të hënën, duke pasur
parasysh se imzot Parolin e mori në dorëzim detyrën më 15 tetor. Në këtë periudhë
do të qëndrojë në Shtëpinë e Shën Martës.