“Cor Unum” перадала ад імя Папы сродкі на дапамогу філіпінцам
Апостальская Сталіца
перадала 150 тыс. долараў на дапамогу пацярпелым у выніку тайфуна, які абрынуўся на
Філіпіны і акрамя шматлікіх разбурэнняў ўнёс больш за 3,5 тыс. чалавечых жыццяў. Паводле
падсакратара Папскай рады “Cor Unum” кс. прэлата Сэгундо Тэада Муназа, гаворка ідзе
пра знак блізкасці Святога Айца і ўсяго Паўсюднага Касцёла да людзей, якія пакутуюць
ад наступстваў катаклізма. Святар расказаў, што салідарнасць з насельніцтвам Філіпін
праяўляюць многія мясцовыя Касцёлы і нацыянальныя аддзяленні каталіцкай дабрачыннай
арганізацыі “Caritas”, збіраючы вялікія сумы грошай. Кс. Муназ адзначыў, што гэта
звычайная практыка Касцёла перад абліччам цяжкіх сітуацый у якія трапляюць людзі ў
розных кутках свету. Ён падзяліўся, што напрыклад, у якасці дапамогі сірыйскаму народу,
які на працягу двух з паловай гадоў пакутуе ад грамадзянскай вайны, Касцёлам было
сабрана і перададдзена больш за 80 млн. еўра.
Паводле кс. Муназа, каб падтрымаць
ахвяраў тайфуна, у Філіпіны накіруецца старшыня Папскай рады “Cor Unum” кардынал Рабэр
Сара з некаторымі сваімі супрацоўнікамі. Ён асабіста пазнаёміцца з працай, якая здзейсняецца
на карысць насельніцтва краіны і выразіць блізкасць і патрымку Святога Айца.
У
той час, як міжнародная супольнасць мабілізавалася на дапамогу філіпінскаму народу,
арцыбіскуп Манілы кардынал Луіс Антоніа Тагле абвясціў 16 лістапада 2013 г. Днём малітвы
і посту у інтэнцыі ахвяраў стыхіі. Ён запэўніў, што яны не застануцца ў адзіноце перад
абліччам сваіх праблем і заклікаў вернікаў памятаць пра бліжніх, суцяшаючы і дапамагаючы
ім.