Генерал капуцынаў: візіт Папы ў Асізі стаў урокам для францішканаў
Папа Францішак жадае
Касцёла, які не баіцца “запэцкаць рукі і на самой справе быць з беднымі”, лічыць генеральны
настаяцель Ордэну Меншых Братоў Капуцынаў а. Маўра Ёры. Кіраўнік 11-тысячнай манаскай
супольнасці адзначае пры гэтым, што паходзячы з Аргентыны Пантыфік абвяшчае тое ж
пасланне, што і яго папярэднік Бэнэдыкт XVI. Калі Святы Айцец быў яшчэ арцыбіскупам
Буэнас-Айрэса, а. Ёры быў уражаны яго простым стылем жыцця. Візіт Папы ў Асізі законнік
назваў “урокам” для францішканаў. Там ён прадэманстраваў, што беднасць не з’яўляецца
чымсьці “абстрактным”. “Мы не жывём бедна”, “але стараемся жыць простым жыццём, салідарна
з беднымі”, прызнаўся генеральны настаяцель капуцынаў.