Францішак заклікаў маліцца за ахвяр насілля ў Сірыі і пацярпелых ад тайфуну на Філіпінах
На заканчэнне агульнай
аўдыенцыі 13 лістапада 2013 г. Францішак заклікаў да малітвы за ахвяр насілля ў Сірыі
і і пацярпелых ад тайфуну на Філіпінах. Папа адзначыў, што “з вялікім болем” прыняў
навіну аб трагедыі ў Дамаске, дзе 11 лістапада 2013 г. падчас мінамётнага абстрэлу
загінулі дзеці, якія вярталіся са школы і шафёр школьнага аўтобуса, многія атрымалі
раненні. “Памолімся, каб такія трагедыі больш не здараліся!”, - заклікаў Святы Айцец.
Таксама ён запрасіў да малітвы і аб’яднання намаганняў для дапамогі “братам і сёстрам
з Філіпінаў”, якія пацярпелі ад моцнага тайфуна. Пантыфік заклікаў кожнага прыняць
удзел у гэтым змаганні за жыццё.