Jeruzalem: restaurohet Bazilika e Gjetsemanit, së bashku me myslimanët
Kthehet në shkëlqimin e saj të dikurshëm Bazilika e Gjetsemanit në Jeruzalem, falë
18 muajve pune e 600 mijë eurove. Rojtaria e Tokës Shenjte restauroi bazilikën me
12 harqe, projektuar nga arkitekti Antonio Barluci në vitin 1924. Kisha është ndërtuar
pak hapa nga kopshti, ku Jezusi u tërhoq për të medituar, të Enjten e Madhe të Pashkëve.
Ndër punëtorët, që u morën me restaurimin, edhe gjashtë djem nga Qendra e Mozaikut
në Jeriko. Pesë prej tyre janë myslimanë. Qe një sfidë e rëndësishme për katolikët
ta besonin kishën në duart e myslimanëve, por të rinjtë u treguan shumë mirënjohës
e krenarë, që morën pjesë në një vepër të tillë. Fretërit françeskanë kanë tani ndërmend
të organizojnë vizita në Bazilikë për nxënësit e shkollave, myslimanë e të krishterë,
të cilët, së bashku, mbeten të mahnitur nga një vend kaq i bukur, kaq afër shtëpisë
së tyre, në zemër të Jeruzalemit Lindor. Edhe programi Palestinez për Mbështetjen
e Komunave ka ndihmuar në realizimin e projektit, së bashku me partnerët e tjerë,
kryesisht italianë.