Ֆրանչիսկոս Սրբազան Քահանայապետը Վլատիմիր Փութինը պիտի ընդունի 25 նոյեմբերին։

Վատիկանի մամլոյ գրասենաեկի տնօրէն Հայր Ֆետերիքօ Լոմպարտին յայտարարած է թէ յառաջիկայ 25 նոյեմբերի յետմիջօրէին, Ֆրանչիսկոս Սրբազան Քահանայապետը, Վատիկանի մէջ պիտի ընդունի Ռուսիոյ հանրապետութեան նախագահ` Վլատիմիր Փութինը։
Յայտնենք թէ Վատիկան - Ռուսիայ դիւանագիտական փոխ յարաբերութիւններու վերջնական վերահաստատումը տեղի ունեցած է 2009-ի դեկտեմբերին։ Վլատիմիր Փութինը նախքան այս հանդիպումը Վատիկան այցելած է եւ Պենետիկտոս ԺԶ վաստակաւոր Քահանայապետի հետ հանդիպած է ` 2007-ի մարտին։