''Ընտանիքի'' մասին եպիսկոպոսական սիւնհոդոսի նախապատրաստական աշխատանքներու ներկայացում։
Երեքշաբթի 5 նոյեմբերին, Վատիկանի մամլոյ գրասենեակի ՅՊԲ անուան սրահին մէջ, տեղի ունեցաւ
մամլոյ ասուլիս մը, որուն ընթացքին, Կարտինալ Փիդէր Էրտօ, գերապայծառ Լորէնցօ Պալտիսսէրի
եւ գերապայծառ Պրունօ Ֆորդէ` ներկայացուցին` ''Ընտանիքի'' մասին գումարուելիք` ''Աւետարանութեան
շրջագիծէն ներս Ընտանիքի հովուական մարտհրաւէրները'' նիւթով յառաջիկայ եպիսկոպոսական
ընդհանուր Գ. սիւնհոդոսի նախապատրաստական աշխատանքները։
Այս առթիւ ունեցած իր
ելոյթի ընթացքին` եպիսկոպոսական սիւնհոդոսի ընդհանուր քարտուղար` գերապայծառ Պալտիսսէրի,
յայտնեց թէ յառաջիկայ 2014-ի փետրուարին նախատեսուած է սիւնհոդոսի քարտուղարութեան նիստ
մը, որուն նըթացքին պիտի քննարկուին աշխարհի բոլոր ժողովրդապետութիւններուն եւ թեմերուն
ուղարկուած նախապատրաստական հարացարանի պատասխանները, որոնց հիման վրայ պիտի շարադրուի
''աշխատանգային թղթածրարը - Instrumentum laboris - որ ապա պիտի ուղարկուի սիւնհոդոսի
անդամ եպիսկոպոսներուն, պատշաճ կերպով պատրաստուելու համար, 2014-ի եպիսկոպոսական սիւնհոդոսին։
''Աւետարանութեան շրջագիծէն ներս ընտանիքի հովուական մարտհրաւէրները'' նիւթով,
Ընտանիքի մասին եպիսկոպոսական սիւնհոդոսի պատրատողական թղթածրարը, բաժնուած է երեք հատուածներու։
Առաջինը նախաբան մըն է որուն մէջ կ՛ընդգծուի սիւնհոդոսի նիւթը ''ընտանիք եւ աւետարանացում''։
Երկրոդ գլուխը կը մատնանշէ Եկեղեցւոյ եւ ընտանիքի աւետարանին, Արարիչ եւ Փրկիչ Աստուծոյ
ծրագիրին ու ապա Եկեղեցւոյ` ընտանիքի մասին վարդապետութեան, մինչ երրորդ գլուխը կը պարունակէ
9 նիւթերէ կազմուած հարցարան մը, որուն պատասխաններու հիման վրայ, պիտի ծրագրուին յառաջիկայ
եպիսկոպոսական սիւնհոդոսի հրատապ նիւթերն ու աշխատանքները։