Высокі мусульманскі
лідэр Азербайджана запрасіў папу Францішка наведаць гэту краіну і выказаў упэўненасць,
што падобнае запрашэнне скіруюць таксама дзяржаўныя ўлады. Запрашэнне паступіла ад
старшыні Упраўлення мусульман Каўказа шейхульіслама Гаджы Аллахшукюрама Пашазадэ.
4 лістапада 2013 г., падчас сустрэчы з кардыналам Джанфранка Равазі, старшынёй Папскай
рады па культуры, які знаходзіцца з візітам у Азербайджане, ён адзначыў, што жадае,
каб Пантыфік наведаў гэту краіну і запрасіў яго. “Хутчэй за ўсё запрашэнне паступіць
і на дзяржаўным узроўні”, - перадае словы ісламскага лідэра азербайджанскае інфармацыйнае
агенцтва “АПА”.
У сваю чаргу кардынал Джанфранка Равазі запрасіў Гаджу Пашазадэ
наведаць Ватыкан. Пурпурат адзначыў, што Апостальская Сталіца вельмі зацікаўлена ў
гэтым “вельмі важным для двухбаковых адносін” візіце.