Egjipt: ipeshkvi kopt ortodoks: Kishat nuk kanë nevojë të fshehin armë
Sulmet dhe persekutimet e pësuara nga koptët në stinët e fundit, që po jeton Egjipti,
nuk duhen manipuluar, për të përhapur ide e sjellje të huaja për fenë e krishterë
e në kundërshtim me interesat e vërteta të bashkësive të krishtera. E pohon këtë në
mënyrë të prerë ipeshkvi kopt-ortodoks Markos, titullar i dioqezës së Shubra al-Khaimah,
pranë Kairos. Sipas burimeve egjiptiane, të shfrytëzuara nga agjencia Fides, Markos
sqaron se të gjitha përpjekjet për të kërkuar ndërhyrjen e Perëndimit, me pretekstin
për të shpëtuar pakicat e krishtera, duhen hedhur poshtë si të rrezikshme.Ipeshkvi
kujton edhe se kishat nuk kanë nevojë të fshehin armë, siç i akuzon padrejtësisht
ndokush. Kishat nuk mbrohen kurrë me mjete të armatosura. Aq më tepër sepse asnjë
mjet mbrojtës nuk do të mund t’u bënte ballë sulmeve të terroristëve, që enden krejt
të padënuar, duke thelluar pakënaqësinë e të krishterëve. Të krishterët kanë një armë
të vetme, një mbrojtje të vetme: atë të Zotit, në të cilin besojnë.