''Յոյսը լաւատեսութիւն չէ, այլ ''խանդավառ սպասում'' Աստուծոյ Որդւոյն յայտնութեան''
- ըսաւ Ֆրանչիսկոս Քահանայապետը։
Երեքշաբթի, 29 հոկտեմբերի առաւօտեան, Տոմուս Սանդա Մարդայի մատրան մէջ մատուցած սուրբ
պատարագի ընթացքին, Ֆրանչիսկոս Սրբազան Հայրը իր քարոզին մէջ զգուշացուց քրիստոնեաները
հանգստաւէտ դիրոքորշումներէ եւ կղերապաշտութենէ, որովհետեւ - ըսաւ Ան- քրիստոնեային
յոյսը կենսունակ է եւ կեանք կը պարգեւէ։ Քահանայապետը ապա ընգծեց թէ ''Յոյսը լաւատեսութիւն չէ, այլ խանդավառ սպասում Աստուծոյ Որդւոյն յայտնութեան''։ Առաջին քրիստոնեաները յոյսը կը ներկայացնէին որպէս ''խարիսխ'', ու մեր կեանքի ուղեւորութիւնը կեդրոնացնելու ենք այդ խարիսխին վրայ - ըսաւ Նորին Սրբութիւնը- ու ապա մեկնաբանեց յոյսի մասին Սուրբ Պօղոսի խօսերը։
Քարոզի աւարտին, ակնարկելով Սուրբ Կոյսի յոյսին, հաստատեց թէ ''յոյսը'' մեր վարուելակերպը կը փոխէ եւ խօսքը ուղղելով հոն ներկայ գտնուող քահանայութեան 25-րդ յոբելեանը յիշատակող խումբ մը Մեքսիքացի քահանաներուն ըսաւ` ''խնդրեցէք Սուրբ Կոյսէն, Յոյսի թագուհիէն, որպէսզի ձեր տարիները ըլլան ''յոյսի տարիներ'' ու կարողանանք ապրիլ որպէս ''յոյսի քահանաներ'' ձեր շուրջ յոյս սփռելով ։
| All the contents on this site are copyrighted ©. |