Për ta kuptuar e për ta ndalur konfliktin në Siri, “duhen njohur interesat e vërteta
në lojë, në nivelin lokal, rajonal e ndërkombëtar, që nuk përkojnë me interesat e
popullit sirian”. Ky sugjerim vjen nga mbledhja e Eprorëve Provincialë të Jezuitëve
të Lindjes së Mesme e të Evropës, takuar në Romë të premten e kaluar. Në komunikatën
përfundimtare, eprorët provincialë ndalen sidomos në problemin e trafikut të armëve,
si faktor, që ndez e ushqen luftrat e veprimet terroriste, nga të cilat vuajnë popujt
e Lindjes së Mesme. “Ne – shkruajnë jezuitët, duke përmendur Sirinë – bëjmë thirrje
të ndalet furnizimi dhe shitja e armëve për palët në konflikt”. Në mesazh vihet në
dukje edhe gjendja e bashkësive të krishtera, të pranishme në Siri, që nga koha e
krishterimit të parë. Sipas jezuitëve, zgjidhje, që parashikojnë largimin e këtyre
bashkësive, nuk janë të pranueshme.