Javën e kaluar, u paraqit në Romë “Udhërrëfyesi për Shqipërinë”, libër në italisht,
ku përmes një përshkrimi historik e turistik, çdo lexues, me dëshirë të udhëtojë për
në atdheun e shqipeve, gjen të gjitha elementet ndihmëse për të njohur popullin shqiptar,
shpirtin, por edhe bukuritë natyrore, që i ka falur Zoti vendit të tij. Ideja e Udhërrëfyesit
lindi në kohën kur në Shqipëri ishte ambasador i Italisë, Mario Bova, aktualisht presidenti
i shoqatës “Syri i Kaltër – Ana Cenerini Bova”. Pikërisht kjo shoqatë ka promovuar
botimin e librit, me autorë bashkëshortët Alfred dhe Enkela Dalipi, si edhe veprimtarin
e Bashkësisë së Shën Egjidit, Paolo Rago, i cili prej kohësh jeton sa në Shqipëri,
aq edhe në Itali. Pikërisht atij, i drejtuam mikrofonin tonë…