Papa pret Sh. T. Rrok Logu, Ambasador i Shqipërisë pranë Selisë së Shenjtë
Sot paradite Papa Françesku priti në Pallatin Apostolik Ambasadorin e Shqipërisë pranë
Selisë së Shenjtë, Sh. T. Rrok Logu, me rastin e përfundimit të misionit diplomatik.
Ambasadori Logu paraqiti letrat kredenciale në shtator të viti 2006. Para kësaj
periudhe ka qenë përfaqësues i Kishës Katolike pranë Komitetit Shtetëror të Kulteve,
Docent në fakultetin e Inxhinierisë Elektrike pranë Universitetit Politeknik të Tiranës,
drejtor programesh në fusha të caktuara të Caritas-it Shqiptar, sipërmarrës dhe titullar
i disa funksioneve që lidhen me profesionin e tij. Ndër arritjet e shumta të shërbimit
të tij diplomatik pranë Selisë së Shenjtë meritojnë të përmenden veçanërisht marrëveshjet
që përgatiti për nënshkrim mes Selisë së Shenjtë dhe Republikës së Shqipërisë në fushën
e shëndetësisë, të postave, të arkivave etj… Në pritjen më Atin e Shenjtë mori
pjesë edhe familja e ambasadorit Logu.