Ուաշինկթըն մտադիր է Սուրիոյ քիմիական զէնքերու ոչնչացման համար վեց միլիոն տոլար յատկացնել
Միացեալ Նահանգներու արտաքին գործոց նախարարի պաշտօնական բանբերի տեղակալ Մարի Հարֆ յայտարարեց,
որ ամերիկեան վարչակազմը մտադիր է Սուրիոյ մէջ քիմիական զէնքի ոչնչացման ծրագիրին 6 միլիոն
տոլար յատկացնել: Հարֆ մամլոյ ասուլիսի ընթացքին յայտնեց, որ գումարը պիտի յատկացուի
ՄԱԿ-ի մէջ զանգուածային քանդումի զէնքերու ոչնչացման ու տարածման արգիլման եւ Քիմիական
զէնքի տարածման արգիլման կազմակերպութեան սնտուկներուն` նշելով, որ Միացեալ Նահանգներ
իրողապէս 55.1 միլիոն տոլար յատկացուցած է կազմակերպութեան ջանքերուն աջակցութեան համար
տասը զրահապատ մեքենաներ տրամադրելով: Հարֆ յայտնեց, որ տակաւին կանուխ է հարկ եղած
ընդհանուր գումարը ճշդելու: Ան հերքեց լրատուամիջոցներու հաղորդած այն լուրը, թէ Միացեալ
Նահանգներ դադրած է սուրիական ընդդիմութեան աջակցելէ