Papa shuguron dy ipeshkvinj në Baziklikën e Shën Pjetrit
Në një kremtim solemn në Bazilikën e Shën Pjetrit Ati i Shenjtë shuguron për urdhrin
ipeshkvor Nuncin Apostolik dhe Kryetarin e Akademisë Kishtare, Arqipeshkvin Giampiero
Gloder, si dhe Nuncin Apostolik në Ganë Zhan Mari Shpaih. Ipeshkvinjtë i paraqet
për shugurim Imzot Luciano Suriani, ndërsa dy ipeshkvijtë bashkëshugurues janë arqipeshkvi
i Strasburgut Zhan Pierr Grajé dhe arqipeshkvi i Padovës Antoni Matiaco. Arqipeshkvi
Shpaih, nga dioqeza e Strasburgut, u lind më 15 qershor 1955, u shugurua meshtar më
9 tetor 1982 dhe do të shkojë si Nunc Apostolik në Ganë. Arqipeshkvi Gloder, nga
dioqeza e Padovës, u lind më 15 maj 1958, u shugurua meshtar më 4 qershor 1983 dhe
u emërua Kryetar i Akademisë Papnore Kishtare më 21 shtator 2013.