Կառավարութիւնը կը շարունակէ վանական համալիրիներու վերականգնման աշխատանքները
Հայաստանի կառավարութիւնը 7,2 միլիոն դրամ պիտի ուղղէ Լոռիի մարզի Քոբայրի վանքի վերականգման
աշխատանքներու իրականացման համար: Ըստ «Արմէնփրես»-ը, ՀՀ կառավարութեան նիստի ընթացքին
Մշակոյթի փոխնախարար Արթուր Պօղոսեան նշած է, որ այս տարի աւարտին կը հասնին Քոբայրի
վանքի զանգակատան եւ տապանատան շինարարական աշխատանքները: Անոր տեղեկացումով` իտալացի
մասնագէտներու օգնութեամբ յաջողութեամբ կը շարունակուին նաեւ Արագածոտնի մարզի մէջ գտնուող
Արուճավանքի վերականագման աշխատանքները: ՀՀ կառավարութիւնը կը շարունակէ նաեւ Սանահինի
վանական համալիրի շինարարական աշխատանքները, որոնց ընթացքին ծանօթանալու նպատակով բազմիցս
Սանահին այցելած է նաեւ ՀՀ վարչապետ Տիգրան Սարգսեան: