21 кастрычніка 2013
г. Кэнэт Хакет уручыў даверчыя граматы папе Францішку і афіцыйна заняў пасаду пасла
ЗША пры Святым Пасадзе. На цырымоніі прысутнічалі таксама сям’я і сябры дыпламата,
гаворыцца ў паведамленні пасольства. Хакет прызнаўся пантыфіку, што адчувае хваляванне
пачынаючы выконваць гэту адказную місію. У паведамленні адзначаецца, што новы пасол
ЗША 40 гадоў працаваў у “Catholic Relief Services”, адной з самых буйных у Амерыцы
дабрачынных арганізацый.
Сам Хакет адзначыў, што Прэзідэнт Абама і Дзяржсакратар
Кэры падкрэслівалі неабходнасць узаемадзеяння з рэлігійнымі лідэрамі і супольнасцямі
для вырашэння важнейшых глабальных праблем. Папа і Святы Пасад маюць магчымасць уплываць
на сусветныя падзеі ў пазітыўным ключы, таму будуць заставацца важнымі партнёрамі
для супрацоўніцтва.
Новы пасол запусціў сёння свой блог, у якім будзе дзяліцца
сваім вопытам і думкамі падчас знаходжання ў Рыме.