Ատրպէյճանի Եւ Հայաստանի նախագահները կրնան նոյեմբերին հանդիպիլ
ՊԱՔՈՒ.- Ատրպէյճանական «Էյ.Փի.Էյ.» լրատու գործակալութիւնը իր տեղեկութիւնները դիւանագիտական
աղբիւրներէ քաղելով՝ կը հաղորդէ, թէ ԵԱՀԿ Մինսկի խմբակի համանախագահները տարածաշրջան
պիտի այցելեն Նոյեմբերի առաջին շաբթուան ընթացքին: Այցելութիւնը պիտի սկսի Պաքուէն,
ուր համանախագահները հանդիպումներ պիտի ունենան Ատրպէյճանի նախագահին եւ արտաքին գործոց
նախարարին հետ, ապա անոնք Երեւան պիտի մեկնին: «Միջնորդները մտադիր են նախագահներուն
առաջարկել եր-կողմանի հանդիպում մը իրականացնել: Ամէն ինչ կախուած է կողմերու պատասխանէն:
Եթէ համաձայնութիւն գոյանայ, ապա Ատրպէյճանի եւ Հայաստանի նախագահներուն միջեւ հանդիպումը
կրնայ տեղի ունենալ Նոյեմբերի վերջերուն», հաղորդած են դիւանագիտական աղբիւրները