Papa priti presidentin e Kamerunit: impenjim për paqen në Afrikë
Papa Françesku priti sot në audiencë, në Vatikan, presidentin e Republikës së Kamerunit,
Paul Biya. Gjatë bisedimeve, njofton një notë e Sallës vatikanase të Shtypit, u shpreh
kënaqësia për marrëdhëniet e mira dypalëshe, që kohët e fundit janë forcuar edhe shumë
në përfundim të bisedimeve për nënshkrimin e Marrëveshjes -kuadër mbi statusin juridik
të Kishës Katolike në Kamerun. Nënshkrimi i dokumentit parashikohet së shpejti.“Në
këtë perspektivë, vijon nota, u vlerësua shumë veprimtaria e Kishës Katolike në shoqërinë
kameruneze, posaçërisht në fushën edukative e shëndetësore si dhe në favor të paqes
e të pajtimit”. Së fundi, gjithnjë sipas notës, u fol edhe mbi disa sfida, që kanë
të bëjnë me Afrikën subsahariane, duke nënvizuar impenjimin kamerunez për paqen në
Rajon”.