Արցախի նախագահը հանդիպում ունեցած Է Եւրոպական խորհրդարանի պատգամաւորներուն հետ
Արցախի Հանրապետութեան նախագահ Բակօ Սահակեան 15 Հոկտեմբերին Եւրոպական խորհրդարանին
մէջ հանդիպում ունեցած է խորհրդարանական Եւրամիութիւն-Հայաստան բարեկամական խումբի ղեկավար
Էլենի Թէոխարուսի եւ խումբ մը պատգամաւորներու հետ: Հանդիպումին ընթացքին քննարկուած
են Եւրոպական կառոյցներ-Արցախ փոխգործակցութեան վերաբերող հարցեր: Յատուկ ուշադրութիւն
դարձուած է խորհրդարանական կապերու զարգացման: Նախագահ Սահակեան շատ կարեւոր նկատած
է Եւրոպայի հետ կապերու շարունակական ամրապնդումը, որովհետեւ այս մէկը հիմնական է քաղաքական,
մշակութային եւ մարդասիրական տեսանկիւններէ: Հանդիպումին կը մասնակցէին նաեւ Լեռնային
Ղարաբաղի փոխվարչապետ Արթուր Աղաբեկեանը, արտաքին գործոց նախարար Կարէն Միրզոյեանը, պաշտօնատար
այլ անձեր: