Кардынал Бэртонэ закончыў служэнне на пасадзе Дзяржсакратара
Кардынал Бэртонэ даверыў
Панне Марыі “развязанне вузлоў” будучыні Касцёла. 15 кастрычніка 2013 г. падчас сустрэчы
з папам Францішкам, з нагоды заканчэння свайго служэння на пасадзе Дзяржсакратара,
кардынал Бэртонэ звярнуўся да сабраных з прамовай у якой узгадаў аб самых памятных
момантах перажытых на працягу сямі гадоў працы побач з Бэнэдыктам XVI і амаль шасці
месяцаў з папам Францішкам. “Тое што нас запальвала ў папе Бэнэдыкце, гэта бачанне
Касцёла, які глыбока разумее сябе, як супольнасць і ў той жа час здольнага прамаўляць
да свету, да сэрцаў і розумаў кожнага, з яснасцю навучання і вышынёй думкі”, - сказаў
пурпурат.
Кардынал Бэртонэ патлумачыў, што мае на ўвазе уклад Пантыфіка ў развязанне
“вялікіх вузлоў” адносін паміж верай і розумам, правам і натуральным законам, а таксама
ў абнаўленне дыялога з яўрэямі і мусульманамі.
Для сыходзячага Дзяржсакратара,
Бэнэдыкт XVI быў “рэфарматарам сумленняў і духавенства”, які сам пакінуў пятровае
служэнне калі Пан натхніў яго, “пасля разважання і моцнай малітвы”, пасля прашэсця
шляху пазначанага як вялікімі душпастырскімі праектамі, так і пакутамі.
“Ён
глыбока пакутаваў за грахі, якія зневажалі аблічча Касцёла і таму, даў новае законадаўства,
якое рашуча ўдарала па ганебнаму феномену педафіліі сярод духавенства, не забываючы
пра ўвядзенне новых законаў ў эканамічнай і адміністратыўнай сферы”, - сказаў пурпурат.
Характарызуючы
пантыфікат папы Францішка кардынал Бэртонэ адзначыў, што ён не ідзе ў разрыве з папярэднім.
“Я бачу сёння ў папе Францішку не столькі рэвалюцыю, колькі працягласць з папам Бэнэдыктам,
хоць з адметнасцю у акцэнтах і сегментах асабістага жыцця”, - адзначыў іерарх і падкрэсліў,
што тым не менш, абодвух пантыфікаў аб’ядноўвае любоў да Панны Марыі.
Менавіта
Марыя, на думку кардынала Бэртонэ павінна дапамагчы папе Францішку і новаму Дзяржсакратару
арцыбіскупу Параліну, развязаць вузлы, якія яшчэ перашкаджаюць Касцёлу быць у Хрысце
сэрцам свету, “жаданым гарызонтам і які бесперапынна клічуць”.