Папата упати видео порака по повод беатификацијата на 522 шпански маченици
Да го славиме Господ поради тие негови храбри сведоци и да го молиме, преку нивното
застапништво, светот да го ослободи од секое насилство – со овие зборови во попладневниот
говор во недела 13 октомври Папата потсети на 522 маченици од Шпанија, кои на денешниот
ден во шпанскиот град Тарагона се прогласени за блажени. Свеченоста е предводена од
кардинал Анџело Амато. Светиот Отец на учесниците им се обрати преку видео порака,
а на присутните овие маченици им ги даде како пример за наследување, како би испаднале
од себе и би се отвориле за Бог.
Кој се мачениците? Тоа се христијани кои
ги освои Христос, ученици кои добро ја научиле смислата на љубовта и тоа до крајни
граници, љубов која го доведе Христос до Крстот – истакна папата Фрањо и ликот на
мачениците ги прикажа во светло на наследување на Христовата љубов и тоа до крај.
Имено, на Крстот Исус ја почувствува тежината на смртта и гревот, но потополно се
надеваше на Отецот, и прости, го дарува животот, покажувајќи дека не постои љубов
на рати, на делови, туку само потполна љубов; бидејќи кога се љуби, се љуби до крај.
Светите
Оци велат: „Да ги наследуваме мачениците!“ Секогаш треба малку да умреме за да излеземе
од своето самољубие – рече Папата и поттикна на молитва за застапништво на мачениците
за да бидеме конкретни, а не просечни христијани, христијани на дело, а не на зборови
и тоа по примерот на оние кои биле христијани сѐ до крај. Само така ќе бидеме квасец
на надежта и творци на братство и солидарност – истакна во пораката Светиот Отец.