Супольная ружанцовая малітва ў марыйных санктуарыях на пяці кантынентах
12 кастрычніка 2013
г., падчас ружанцовай малітвы перад фігуркай Маці Божай Фацімскай, у рымскім санктуарыі
Божай любові, адбудзецца відэазлучэнне з 10 марыйнымі санктуарыямі, якія знаходзяцца
на розных кантынентах. Разам з пілігрымамі сабранымі ў Вечным горадзе будуць маліцца
вернікі сабраныя ў базыліцы Маці Божай з Лухан, апякунцы Аргентыны, бразільскім нацыянальным
санктуарыі Маці Божай з Апарэсіды, нацыянальным санктуарыі Беззаганнага Зачацця ў
Вашынгоне, парыжскай базыліцы Нотр-Дам і базыліцы Звеставання ў Назарэце, санктуарыі
ў французскім Лурдзе, японскай Акіце і польскай Чэнстахове, а таксама ў санктуарыі
Марыі Успамогі Хрысціянаў у кенійскім Найробі, індыйскім санктуарыі ў Вайланкані
і некаторых іншых.
Пасля ружанцовай малітвы, пачнецца адарацыя Найсвяцейшага
Сакрамэнту, якая будзе суправаджацца разважаннямі і спевамі. Закончыцца чуванне, перад
фігуркай Маці Божай Фацімскай каля 5.00 раніцы св. Імшой, якую ўзначаліць дапаможны
біскуп Рымскай дыяцэзіі Ларэнца Леўцы.