Կարտինալ Գուրդ Գոխի խօսքը Բողոքական վերանորոգումի եկեղեցիներու միջազգային գիտաժողովին։
Առ ի պատրաստութիւն Բողոքական վերանորոգումի եկեղեցւոյ 5-րդ դարադարձի տօնախմբութիւններուն,
(2017-ին), բողոքական եկեղեցիներու դաշնակցութիւնը միջազգային գիտաժողով մը կազմակերպած
էր, Զիւրիխի մէջ 6 -10 հոկտեմբեր 2013։ Գիտաժողովին մասնակցող զանազան անձնաւորութիւններու
շարքին էր նաեւ կարտինալ Գուրդ Գոխը` նախագահը քրիստոնեաներու միութեան քահանայապետական
խորհուրդին որ իր կատարած միջամտութեան ընթացքին հաստատեց թէ ''բողոքականութիւնը միակ
շարժումը չէ եղած Եկեղեցւոյ բարեփոխումի գծով։ ''Վերանորոգումի 2017-ի յոբելեանը պէտք
է սատարէ յստակցնելու համամիութեան նպատակները Եկեղեցւոյ միութեան ի խնդիր'' - ըսաւ Կարտինալը
- բողոքական եկեղեցիներու, շուրջ 250 պատուիրակներու ներկայութեամբ։ Կարտինալը հաստատեց
որ սուրբ ֆրանչիսկոս եղած է Եկեղեցւո մեծագոյն ու արմատական բարեփոխիչը։ Սակայն անոր
բերած բարեկարգութիւնները չեղան ''առանց կամ հակառակ Քահանայապետին'', այլ եղան Քահանայպետի
օրհնութեամբ։ Նոյնպէս վատիկանեան Բ տիեզերական ժողովը (1962-1965) բարենորոգումներ յառաջ
բերաւ Եկեղեցւոյ մէջ, Աստուծոյ խօսքը առանցք դարձնելով Եկեղեցւոյ կեանքին։ Կարտինալը
ցաւով յայտնեց որ 16-րդ դարու վերանորոգիչները Եկեղեցւոյ մէջ բաժանումներ յառաջ բերին
ու հեռացան ս. հաղորդութեան խորհուրդէն եւ եպիսկոպոսական կառոյցէն եւ այսպէսով` վերանորոգումի
ու աւանդութեան միջեւ եղած կապը խզուեցաւ ։ Կարտինալի գնահատումով եկեղեցիները հրաւիրուած
են համբերութեամբ ու ապաշխարութեամբ ապրիլ ներկայ ընդհարումը մաղթելով որ ''այս յոբելեանը
բոլորիս ընծայէ բարեպատեհ առիթ մը ապրելու համար միութեան յոյսով'' ։