Presidenti kroat Ivo Josipoviç, në bisedë më Papën, në Vatikan
Sot paradite, Papa Françesku priti në audiencë presidentin e Republikës së Kroacisë,
Ivo Josipoviç, i cili u takua më pas edhe me autoritetet e tjera të Vatikanit. “Gjatë
bisedimeve të përzemërta – shkruhet në notën e Sallës së Shtypit të Selisë së Shenjtë
– pasi u përmend tradita e gjatë katolike e Kroacisë, u shpreh kënaqësi për marrëdhëniet
e mira dypalëshe, konsoliduar nga katër Marrëveshje, që favorizojnë bashkëpunimin
ndërmjet Kishës dhe shtetit, për të mirën e përbashkët të shoqërisë kroate”. Gjithashtu,
u përmend hyrja e Kroacisë në Bashkimin Evropian dhe u prekën disa tema me interes
të përbashkët, duke diskutuar mbi sfidat në këtë çast të vështirë krize ekonomike.
Nuk u harrua kuadri rajonal, në të cilin ndodhet vendi ballkanik, duke folur veçanërisht
për gjendjen e kroatëve në Bosnjë-Hercegovinë. Së fundi, u përmendën edhe tema ndërkombëtare
e u fol për kushtet e bashkësive të krishtera në botë.