08 ഒക്ടോബര് 2013, വത്തിക്കാന് വിശ്വാസവര്ഷത്തോടനുബന്ധിച്ചുള്ള മരിയന് ദ്വിദിനാചരണം
ഒക്ടോബര് 12, 13 (ശനി, ഞായര്) തിയതികളില് വത്തിക്കാനില് നടക്കും. മരിയന് ദിനാചരണത്തിന്റെ
ഭാഗമായി പോര്ച്ചുഗലിലെ ഫാത്തിമായില്നിന്നും കന്യകാനാഥയുടെ തിരുസ്വരൂപം വത്തിക്കാനിലെത്തും.
ഒക്ടോബോര് 12-ാം തിയതി ശനിയാഴ്ച രാവിലെ 8 മണിക്ക് പത്രോസ്ലീഹായുടെ സ്മൃതിമണ്ഡപ സന്ദര്ശനത്തോടെയാണ്
വിശ്വാസവത്സരത്തിലെ മരിയന് ദ്വിദിന പരിപാടികള്ക്ക് തുടക്കം കുറിക്കുന്നത്. ശനിയാഴ്ച
രാവിലെ പ്രാദേശിക സമയം 9 മണി മുതല് ഉച്ചയ്ക്ക് 12 മണിവരെ വത്തിക്കാനിലും പരിസരത്തുമുള്ള
ദേവാലയങ്ങളിലും തീര്ത്ഥാടകര്ക്കായി പരിശുദ്ധ കുര്ബ്ബാനയുടെ ആരാധനയും അനുരഞ്ജന ശുശ്രൂഷയും
നടത്തപ്പെടും. വൈകുന്നേരം 5 മണിക്ക് ഫാത്തിമാ നാഥയുടെ തിരുസ്വരൂപം വിശുദ്ധ പത്രോസിന്റെ
ചത്വരത്തിലെ പൊതുവേദിയില് പാപ്പാ ഫ്രാന്സിസ് സാഘോഷം സ്വീകരിക്കും. തുടര്ന്ന് മാര്പാപ്പാ
മരിയന് പ്രഭാഷണം നടത്തും. വൈകുന്നേരം 7 മണി മുതല് ഫാത്തിമാ നാഥയുടെ തിരുസ്വരൂപം പൊതുവണക്കത്തിനും
ധ്യാനത്തിനുമായി റോമിലെ ‘ദിവീനോ അമോരെ’ ദേവാലയത്തില് പ്രതിഷ്ഠിക്കും. ആ രാത്രി മറിയത്തോടൊപ്പമുള്ള
ജാഗരാനുഷ്ഠാനമായി ആഘോഷിക്കും. ഒക്ടോബര് 13-ാം തിയതി ഞായറാഴ്ച രാവിലെ 8 മണിക്ക് വീണ്ടും തിരുസ്വരൂപം
വത്തിക്കാനിലെത്തും. 10 മണിക്ക് പാപ്പായ്ക്കൊപ്പമുള്ള ജപമാല സമര്പ്പണത്തിനു ശേഷം മാര്പാപ്പായുടെ
മുഖ്യകാര്മ്മികത്വത്തില് സാഘോഷ സമൂഹബലിയര്പ്പണം നടക്കും.
* മരിയന് ദിനാചരണത്തില്
മാര്പാപ്പ നേതൃത്വം നല്കുന്ന പരിപാടികളുടെ തത്സമയ സംപ്രേക്ഷണം ഈ ലിങ്കില് ലഭ്യമാണ്:
http://player.rv.va/rv.player01.asp?language=en&visual=VaticanTic